نقل الملفات من الموبايل للديسكتوب بسرعة باستخدام ADB

لو بتعاني مع نقل الملفات ببروتوكول MTP عن طريق سلك الـ USB سواء عشان النقل بطيئ أو عشان الملفات كتيرة ومش بتوصل كلها، فالحل هو استخدام أمر adb push للنقل للموبايل و adb pull للنقل للكمبيوتر.

الحل

لو انت واحد مش متمرس في إستخدام الـ command line، فيلزمك برنامج مفتوح المصدر بيشتغل كواجهة جرافيكية للـ adb push/pull.
البرنامج بيوريك الملفات اللي على الموبايل وتقدر تنسخ منها أو تزود عليها.

---

السرعة والكفاءة

السرعة بتوصل لأقصى حاجة يقدر الـ USB بتاع موبايلك وجهازك يشيلها.

• USB 2.0 (اللي في أغلب الموبايلات) بيشيل لغاية 40 ميجابايت/ثانية.

---

كيفية الإستخدام

1. حمّل برنامج ADB Explorer:
   لينك البرنامج على مايكروسوفت ستور

2. شغل البرنامج:

   • تلاقي الشرح بالتفصيل في الصور المرفقة، كل صورة عليها الكابشن بتاعها.

3. استخدم الواجهة البديهية:

   • بستطيع نقل الملفات بسرعة وأمان بين الموبايل والكمبيوتر.

ميزات البرنامج

• واجهة جرافيكية سهلة الإستخدام.
• دعم نقل الملفات بسرعة عالية.
• مناسب لجميع مستخدمي الأندرويد.

لينك التحميل

من مايكروسوفت ستور

حمل SDK Platform Tools من هنا:

ADB Platform Tools

ثم إعمل فولدر في درايف C سميه adb وحط فيه فولدر platform-tools اللي حملته و انسخ المسار بتاعه

اكتب في ستارت: edit environment variables

لو مفتحتش معاك من قايمة ستارت هتجيبها من الإعدادات System > about > Advanced system settings

ثم تدوس هنا

اختار Path من User variables ودوس Edit

دوس New وحط المسار اللي كنت عامله كوبي في الخطوة الأولى ودوس Ok و Ok

افتح البرنامج ووصل موبايلك هيجيلك الرسالة دي دوس Allow

هيظهرلك الموبايل فوق دوس عليه واعمل explore عشان تضيف ملفات من جهازك كليك يمين ودوس Push وعشان تسحب ملفات من الموبايل كليك يمين عليها ودوس Pull