DeWallify: Convert Messy Text to Clean Format with AI

كذا مرة ألاقي نفسي محتاج أظبط أحجام الخطوط والتنسيق وأنا بكتب ريبورت أو مقال، وده كان بياخد وقت طويل نسبياً، قولت إحنا في 2025، أكيد فيه أداة بتعمل كده 🫠.

وفعلاً فيه، بس كانت بطيئة جدًا، وبتغير في الكلام الأصلي. فبالتالي، وزي أي حاجة تانية بتضايقني، قررت أعملها بنفسي 😆.

من حيطة كلام لنص منسق!

دي أداة اسمها DeWallify مهمتها إنها تاخد "حيطة" من الكلام اللي كتبته أو جبته من أي حتة، وتحولهولك لملف نضيف ومتنسق وجاهز للاستخدام في صيغة Markdown.

شغال ازاي؟

الأول لو متعرفش إيه هو الـ Markdown، فهي طريقة تقدر تكتب بيها نصوص متنسقة من غير ما تزود كلام كتير وتعقد شكل الـ editor اللي انت شغال عليه

يعني مثلاً عشان تعمل Heading في الـ HTML بتضطر تكتبها كدة:

<h1>Heading 1</h1>
<p>This is a paragraph</p>
<h2>Heading 2</h2>
<p>This is another paragraph</p>

شايف الزحمة؟ طب Markdown بيحل المشكلة دي ازاي؟

شوف، ده هيديك نفس الشكل اللي فوق

# Heading 1

This is a paragraph

## Heading 2

This is another paragraph

شايف البساطة؟

نقدر نقول للـ AI يعمل كدة عادي، بس فيه مشكلة

برنامج word مثلاً مش بيستخدم Markdown

هنا ييجي دور الـ Markdown renderer

ده مسؤول انه يحول الـ Markdown لـ HTML، بس مينفعش نستخدمه زي ما هو للأسف

برنامج word و google docs بيستخدموا subset أو جزء صغير من مكونات الـ HTML

فلازم نحول كل الـ Tags لصيغة متوافقة معاهم، ونتأكد إن الستايل هيتعمله Inheritance من البرنامج نفسه

يعني برنامج زي ChatGPT ممكن يخرجلك نصوص متنسقة صحيح، لكن النص معمول بفونت معين، ومحطوط على خلفية رمادي لو انت في الدارك مود، وهكذا

لازم ناخد الحاجات دي في عين الإعتبار وده اللي عملته في الـ Hook بتاع زرار Copy

هيديك نص متوافق مع الصيغة اللي موجودة بالفعل عندك في البرنامج اللي بتستخدمه!

وريني كدة

زي ما قولتلك، الميزة الأساسية في برنامج dewallify ان التنسيق اللي بيطلعه متوافق بشكل تام مع docx، فبالتالي تقدر تستخدمه بسهولة في Microsoft Word و Google Docs

جربه بنفسك: DeWallify

التقنيات المستخدمة (Tech Stack)

• Framework: Next.js
• Styling: Tailwind CSS
• UI Components: Shadcn UI
• AI Integration: Vercel AI SDK
• Language: TypeScript