إعرض النصوص بكل الخطوط على جهازك بسهولة! | Font Previewer
اكتشف بسهولة كل الفونتات الموجودة على جهازك وجربها مباشرة بالطريقة اللي تحتاجها مع برنامج Font Previewer المفتوح المصدر.
كتير وأنا بصمم بكون محتاج فونت بشكل معين بس فيه مئات الفونتات اللي موجودة على جهازي.
لو قعدت أجربهم واحد واحد هياخد وقت طويل!
المشكلة في المعاينة العادية:
صحيح الفوتوشوب بيديك معاينة، لكنها كلها بكلمة "أبجد هوز" أو "Sample".
هيبقى أحسن لو تقدر تعرض الجملة اللي انت عايزها بكل الفونتات اللي موجودة على جهازك، صح؟
الحل:
ده بالزبط اللي أنا عملته في برنامج Font Previewer
- تكتب الكلمة أو الجملة اللي عايزها في الخانة المخصصة.
- تضغط على زر "Update Previews" عشان ترندرها بكل الخطوط.
- استعرض براحتك كل الفونتات المتوفّرة على جهازك.
مزايا البرنامج:
-
اختيار الفونت المناسب بسهولة: لما تلاقي الفونت اللي يعجبك، بمجرد الضغط على زر كليك يمين، تقدر تنسخ اسم الخط.
-
معاينة فولدرات الخطوط: لو عندك فولدر فيه خطوط إضافية، تقدر تعاينه كله، وتختار أي خط يعجبك لتثبيته مباشرة.
-
برنامج مفتوح المصدر: كالعادة، البرنامج مفتوح المصدر ومتاح لك لتحميله مجاناً!
التحميل:
رابط المشروع على GitHub:
https://github.com/Creative-Geek/Font-Previewer
تحديث: عملت نسخة ويب أفضل شوية وأسرع بكتير، تقدر تجربها من هنا:
https://typeface-explorer.vercel.app