نصائح وحيل لبرنامج Media Player Classic

Creative Geek•

دليل سريع لبرنامج Media Player Classic يقدم نصائح وإعدادات لتحسين تجربة المشاهدة، من ضبط الترجمات والألوان إلى استخدام اختصارات الكيبورد.

نصائح وحيل لبرنامج Media Player Classic

لو انت زيي لسة على قديمو وبتستخدم برنامج Media Player Classic أو ببساطة انت محتاج media player عظيم تشوف بيه أفلامك، فإليك شوية tips and tricks تساعدك تستخدم البرنامج ده كويس.

ملاحظات:

ممكن متقراش المقال وتعمل اللي في الصور وخلاص.

إعدادات التشغيل الأساسية

إعدادات التشغيل الأساسية في Media Player Classic

  1. شغل دي ضروري. دي بتظهِر نَص فوق عالشمال يقولك إيه الأمر اللي عملته. مثال: لما توقف الفيديو هيكتبلك pause، لما تشغل أو تطفي أي حاجة هيكتبلك إنت عملت إيه، دي ضرورية في تعديل الترجمات.
  2. دول تشغّلهم عشان تسهّل على نفسك المشاهدة مع التصفح. الأولى بتثبّت النسبة بين طول وعرض نافذة الفيديو بحيث لو عاوز تتفرج على حاجة وانت بتتصفح مثلاً تقدر تصغّر الفيديو من غير ما يبقى فيه شرايط سودة على أي جنبين، التانية بتخلى النافذة تلزق في حواف الشاشة عشان تحطها عالطرف بالزبط.
  3. دي بتخلى المشغل يفتكر إنت وقفت فين في الفيديو بحيث لما تفتحه تاني تكمّل من حيث توقفت.

تحسين الألوان والجودة (madVR)

إعدادات madVR لتحسين الألوان في Media Player Classic

لو لقيت ألوان الفيلم باهتة فده غالباً عشان الفيديو HDR وبتحصل في حالات تانية، إستخدم madVR عشان تلاقي ألوان الصورة كويسة مع تحسينات أخرى محتملة، لاحظ إن المحرك ده محتاج جهاز كويس نسبياً.

ضبط الترجمات (Subtitles)

إعدادات الترجمة في Media Player Classic

  1. هنا تقدر تغير الفونت بتاع الترجمة أو الـ subtitles عموماً بمزاجك.
  2. لو لقيت الترجمة العربي بتظهر على شكل حروف غريبة اعمل دي على Arabic هتتزبط.

تحسين وضوح الصورة (Sharpen)

تفعيل Sharpen لتحسين جودة الفيديو

في بعض الأحيان لما جودة الفيديو متكونش كويسة لو عملت للصورة sharpen بتتحسن بدرجة كبيرة، تقدر تعمل كدة باتباع الخطوات اللي في الصورة.

واجهة المستخدم وخيارات العرض

خيارات الواجهة والعرض في Media Player Classic

  1. تقدر تفعّل الـ dark theme من هنا.
  2. فعل الخيار ده مفيد للتصفح مع المشاهدة. ده بيخلى نافذة الفيديو تفضل في الوش فوق كل حاجة طول ما الفيديو شغال، مجرد ما توقف الفيديو يرجع لورا عادي.

البحث عن الترجمات أون لاين

إعدادات البحث عن الترجمات أون لاين

البرنامج يقدر يبحث في الترجمات أون لاين ويجيبهالك، ضيف اللغات اللي انت عاوزها هنا وعلّم على كل المواقع الموجودة.

اختصارات الكيبورد:

  1. F1 & F2: تقدر تقدّم الترجمة أو تاخرها عن الفيديو بالزرارين دول.
  2. S: تقدر تبدّل بين الترجمات المتحمّلة بالزرار ده.
  3. D: ده الزرار اللي بيبحث عن الترجمات أون لاين. وبيخليك تختار ترجمة تحملها.
  4. number 1: اللي فوق الزراير مش اللي في الجنب بيخلى المشغل كله عبارة عن الفيديو بس، مفيد للتصفح مع المشاهدة، عشان ترجّع المشغل زي ما كان دوس رقم 3.

ملاحظات هامة:

المقال والصور مبنيين على نسخة البرنامج المدمجة مع K-Lite Codec Pack. سيرش وحمّل النسخة الـ Full، بلاش الـ mega ممكن تضر أكتر ما تفيد.

بس كده، ده مقال متكروت بس يا رب حد يستفيد منه :"