حوّل جهازك القديم لسيرفر شخصي: تجربتي المختصرة مع OMV

لو عندك جهاز قديم حابب تعمله سيرفر شخصي ليك وتستفيد بيه، فأنا جاي أحكيلك تجربتي بشكل مختصر.

1- أحسن نظام تستخدمه للهدف ده هو OMV، ده مبني على ديبيان وبيديك web ui تقدر تـ manage منها كل حاجة في السيرفر. 2- لو عندك فلاشة سريعة سطبه عليها، ده هيسيبلك مدخل SATA فاضي في السيرفر تقدر توصل فيه هارد تاني. 3- يفضّل تكون موصل الشبكة الداخلية بتاعتك كلها بـ 1gigabit ethernet ولو واي فاي يبقى 5 ghz. 4- دي بعض الـ containers اللي أنا شخصياً بستخدمها على السيرفر بتاعي:

Joplin server

باك اند لبرنامج Joplin اللي بستخدمه للـ note taking (اختارته عشان بيشتغل بشكل شبيه جداً ببوستات السوشيال ميديا بدعم الـ RTL والـ Markdown).

Jellyfin

سيرفر بواجهة شبه نتفليكس بتشتغل على ملفات السيرفر بتاعك (بيـ detect نوعية الميديا ويضيف metadata لوحده).

Qdrant

فيكتور داتابيز بستخدمها عشان أعمل semantic search في الـ codebases بتاعتي.

Open WebUI

واجهة ai chat بتسمحلك تحادث أي موديل في أي رسالة وتبدل بين الموديلز براحتك بنفس الكونتيكست.

N8N

مشهور غني عن التعريف.

qBitTorrent

لو عايز أحمل لينيكس iso وأنا نايم 😆.

redlib

فرونت اند بديل لـ reddit عشان الـ privacy (قراية بس).

Adguard Home

مانع إعلانات بيشتغل كـ dns server.

// وأخيراً عشان أكشف بعض الخدمات دي للإنترنت: Cloudflare Tunnel

5- فيه plugin لـ OMV اسمها flashmemory بتعمل mount لبعض الـ log paths في الرام عشان تحمي الـ boot device من الكتابات المستمرة بسبب الـ logs

لو عندك ترشيحات أو اسئلة أنا بانتظار تعليقك!